తన భర్త గౌతమ్ కిచ్లూ మోకాలిపై వంగి రోజా పువ్వుతో ప్రేమను తెలపకపోయి ఉంటే పెళ్లి చేసుకునేదాన్ని కాదని హీరోయిన్ కాజల్ సరదాగా చెప్పింది. 'లక్ష్మీ కల్యాణం'తో మొదలైన ఈమె సినీ ప్రయాణం విజయవంతంగా కొనసాగుతోంది. గత 15 ఏళ్లుగా వైవిధ్యమైన పాత్రలతో అలరిస్తున్న ఈ భామ.. అక్టోబరు 30న ప్రియుడు గౌతమ్‌ను మనువాడింది. శ్రీమతిగా మారిన తర్వాత కూడా నటనను కొనసాగిస్తానని ఇప్పటికే కాజల్ తెలిపింది. ప్రస్తుతం పలు ప్రాజెక్టుల్లో నటిస్తూ బిజీగా ఉంది. డిసెంబరు 5 నుంచి మెగాస్టార్‌ చిరంజీవి 'ఆచార్య' షూటింగ్‌లోనూ పాల్గొనుంది.
"పెళ్లి విషయం గౌతమ్ నా తల్లిదండ్రులతో మాట్లాడారు. దాన్ని నేను ముందే ఊహించాను. కాబట్టి పెద్ద సర్‌ప్రైజింగ్‌గా అనిపించలేదు. కానీ మోకాలిపై వంగి, ప్రపోజ్‌ చేయకపోతే పెళ్లి చేసుకోనని చెప్పా (జోక్‌గా). అలా చేసుండకపోతే మనువాడటం కష్టమే" అని కాజల్ వెల్లడించింది.