మహేష్‌బాబు విలన్​గా జగపతిబాబు

అనిల్ రావిపూడి, మహేశ్​బాబు కలయికలో రానున్న కొత్త చిత్రంలో విలన్​గా జగపతిబాబు కనిపించనున్నాడు. రష్మిక మందన హీరోయిన్​గా నటించనుంది.

విభిన్న పాత్రలు చేస్తూ దూసుకుపోతున్న జగపతిబాబు.. సూపర్​స్టార్ మహేశ్​బాబు సినిమాలో విలన్​గా కనిపించనున్నాడు. దర్శకుడు అనిల్ రావిపూడి ఈ చిత్రాన్ని తెరకెక్కించనున్నాడు. హీరోయిన్​గా రష్మిక నటించనుంది. బండ్ల గణేశ్, విజయశాంతి కీలక పాత్రల్లో కనిపించనున్నారని సమాచారం. జూన్​లో షూటింగ్ ప్రారంభం కానుంది.

గతంలో జగపతిబాబు, మహేష్‌బాబు కాంబినేషన్‌లో వచ్చిన సినిమా ‘శ్రీమంతుడు’. ఇందులో వీరిద్దరు తండ్రికొడుకులుగా నటించి ప్రేక్షకులను మెప్పించారు. మహేష్‌ బాబు నటించిన 25వ సినిమా ‘మహర్షి’ మే 9న ప్రేక్షకుల ముందుకు రాబోతోంది.