రామ్చరణ్-తమన్నా కలిసి మరోసారి నటించేందుకు సిద్ధమయ్యారని సమాచారం. అయితే ఈసారి హీరోహీరోయిన్లుగా కాదు. ఒకరితోఒకరు తలపడేందుకు! ప్రస్తుతం 'ఆర్ఆర్ఆర్'లో నటిస్తున్న చెర్రీ ఆ తర్వాత శంకర్ తెరకెక్కించనున్న భారీ బడ్జెట్ సినిమాలో నటించనున్నారు. ఇందులో విలన్ భార్య పాత్రలో తమన్నా కనిపించనుందట. ఈమెది కూడా ప్రతినాయక ఛాయలున్న పాత్ర అని అంతా మాట్లాడుకుంటున్నారు. ఈ రోల్ కోసం ఇప్పటికే దర్శకనిర్మాతలు తమన్నాను సంప్రదించగా గ్రీన్సిగ్నల్ ఇచ్చిందని తెలుస్తోంది. త్వరలోనే దీనిపై స్పష్టత రానుంది.
చరణ్కు విలన్గా మిల్కీ బ్యూటీ!
శంకర్-రామ్చరణ్ కాంబోలో తెరకెక్కనున్న సినిమాలో నటి తమన్నా ఓ కీలక పాత్ర పోషించనుందని తెలిసింది. ఈ ముద్దుగుమ్మ పాత్రపై నెట్టింట్లో వార్తలు చక్కర్లు కొడుతున్నాయి.
రామ్చరణ్
శంకర్ తెరకెక్కించబోయే ఈ సినిమాను దిల్రాజు నిర్మిస్తున్నారు. హీరోయిన్గా కియారా అడ్వాణీ కనిపించనుంది. తమన్ స్వరాలు సమకూరుస్తున్నారు. ఇటీవల 135 మంది మ్యూజిషియన్లతో కలిసి ఆయన ఈ సినిమాకు సంబంధించిన తొలి రికార్డింగ్ పూర్తి చేశారు. కొరియోగ్రాఫర్గా జానీ మాస్టర్, మాటల రచయితగా సాయి మాధవ్ బుర్రాను ఎంపిక చేసింది చిత్రబృందం.
ఇదీ చూడండి: RC 15: శంకర్-చెర్రీ సినిమాలో హీరోయిన్ ఫిక్స్