'ఖైదీ' బాలీవుడ్​ రీమేక్​లో హృతిక్​రోషన్!

బాలీవుడ్​లో రీమేక్​ అవుతున్న 'ఖైదీ' సినిమాలో హీరో ఎవరనే విషయమై జోరుగా చర్చ సాగుతోంది. స్టార్ కథానాయకుడు హృతిక్ రోషన్.. ఆ పాత్రలో​ నటించనున్నాడని టాక్.​

తక్కువ బడ్జెట్​తో తెరకెక్కి, తమిళంతో పాటు తెలుగులోనూ హిట్​గా నిలిచిన సినిమా 'ఖైదీ'. హీరోగా నటించిన కార్తీ, తన అద్భుత ప్రదర్శనతో ఆకట్టుకున్నాడు. ఈ చిత్రాన్ని బాలీవుడ్​లో రీమేక్​ చేస్తున్నట్లు ఇటీవలే ప్రకటించారు. అప్పటి నుంచి ఇందులో ఎవరు ప్రధాన పాత్ర పోషిస్తారనే వార్త హాట్​ టాపిక్​గా మారింది.

ఈ రీమేక్​లో స్టార్​ హీరో హృతిక్​రోషన్ నటించడానికి అంగీకారం తెలిపాడని సమాచారం. ఇప్పటికే ఈ చిత్రాన్ని అతడు చూశాడని.. త్వరలోనే ఈ విషయంపై స్పష్టత రానుందట. 'వార్​' విడుదలైన తర్వాత హృతిక్..​ మరో సినిమా మొదలుపెట్టలేదు.

ఇదీ చూడండి.. క్రేజీ వార్త: 'వి' సినిమా కోసం తమన్