'బాహుబలి'తో తెలుగు చిత్ర ఖ్యాతిని అంతర్జాతీయ స్థాయికి తీసుకెళ్లిన దర్శకుడు రాజమౌళి. ప్రస్తుతం ఎన్టీఆర్-రామ్చరణ్లతో మల్టీస్టారర్ 'ఆర్ఆర్ఆర్' తీస్తున్నాడు. ఇందులో హాలీవుడ్ నటులు కీలక పాత్రలు పోషిస్తున్నట్లు చిత్రబృందం చెప్పింది.
మరోవైపు అనుష్క నటిస్తున్న 'నిశ్శబ్దం'లోనూ హాలీవుడ్ నటుడు మైఖేల్ మ్యాడిసన్ పోలీస్ అధికారిగా సందడి చేయబోతున్నాడు. ఇటీవలే వచ్చిన మెగాస్టార్ చిరంజీవి.. 'సైరా నరసింహారెడ్డి'లోనూ కొందరు ఇంగ్లీష్ నటులు కనిపించారు.
అయితే 'ఆర్.ఆర్.ఆర్'లో తారక్‌ సరసన నటించబోతోంది ఒలీవియా మోరిస్ అని చిత్ర బృందం ప్రకటించగానే.. ఆమె ఎవరా? అని ఆసక్తిగా వెతికిన వారు కోట్లలో ఉన్నారు. తన ట్విటర్‌ ఖాతాలో వేల సంఖ్యలో ఉన్న ఫాలోవర్స్ సంఖ్య.. కొన్ని గంటల్లోనే లక్షల్లోకి చేరింది.
ఒలీవియా మోరిస్
'ఆర్ఆర్ఆర్'లో జెన్నీఫర్‌ అనే పాత్రలో నటించనుంది. ఈమె యాక్టింగ్తో పాటు మోడల్, థియేటర్‌ ఆర్టిస్ట్గానూ రాణిస్తోంది. లండన్‌లో పుట్టిన ఒలీవియా.. '7 ట్రైల్స్‌' అనే ఓ టీవీ సిరీస్‌తో గుర్తింపు తెచ్చుకుంది. ఇప్పుడు వెండితెరపై సందడి చేసే అవకాశం అందుకుంది.