నడుస్తూ జారిపడబోయిన హీరో విజయ్ ​దేవరకొండ

కథానాయకుడు విజయ్ దేవరకొండ.. ముంబయిలోని ఓ జెట్టీలో నడుస్తూ జారిపడబోయాడు. ఆ వీడియో ఇప్పుడు సోషల్ మీడియాలో చక్కర్లు కొడుతోంది.

యువహీరో విజయ్ దేవరకొండ.. ప్రస్తుతం పూరీ జగన్నాథ్ సినిమాలో నటిస్తూ బిజీగా ఉన్నాడు. ముంబయి పరిసర ప్రాంతంలో షూటింగ్ జరుగుతుంది. అక్కడికి దగ్గరల్లోని ఓ ద్వీపంలో చిత్రీకరణ కోసం వెళ్తుండగా, విజయ్​కు ఓ చిన్న ప్రమాదం తప్పింది. జెట్టీ దగ్గర నడుస్తూ, జారిపడబోయాడు. వెనుకున్న సిబ్బంది అతడిని పట్టుకున్నారు. ఈ వీడియో ప్రస్తుతం వైరల్​గా మారింది.

పాన్​ ఇండియా కథతో ఈ చిత్రాన్ని రూపొందిస్తున్నారు. ఇందులో విజయ్ బాక్సర్​గా కనిపించనున్నాడు. బాలీవుడ్ భామ అనన్య పాండే హీరోయిన్. చార్మి, పూరీ జగన్నాథ్​తో పాటు కరణ్​ జోహార్ నిర్మాణంలో పాలు పంచుకున్నాడు.

హీరోయిన్ అనన్య పాండేతో విజయ్ దేవరకొండ