అప్పుడే రియల్ మెగాస్టార్​ను కలిశా: రామ్​చరణ్

తన తండ్రి, ప్రముఖ కథానాయకుడు చిరంజీవికి నిర్మాతగా మారిన తర్వాతే ఆయనలోని అసలైన మెగాస్టార్​ను చూశానని చెప్పాడు హీరో రామ్​చరణ్.

హీరో రామ్​చరణ్.. తండ్రి మెగాస్టార్​ చిరంజీవి హీరోగా 'సైరా నరసింహారెడ్డి' సినిమాను నిర్మిస్తున్నాడు. ప్రస్తుతం నిర్మాణంతర కార్యక్రమాలు జరుపుకుంటోందీ చిత్రం. ఈ సందర్భంగా ఇన్​స్టాలో ఓ ఫొటోను పంచుకున్నాడు మెగాపవర్​స్టార్. వినూత్నంగా ఓ వ్యాఖ్య జోడించాడు.

"సైరా కోసం నాన్న తనని తాను మార్చుకున్న విధానం వర్ణించలేనిది. నేను ఆయనకు నిర్మాతగా మారిన తర్వాతే అసలైన మెగాస్టార్​ను కలిశా." -ఇన్​స్టాలో రామ్​చరణ్

హీరో రామ్​చరణ్ ఇన్​స్టా పోస్ట్

'సైరా'... తొలి స్వాతంత్ర్య సమరయోధుడు ఉయ్యాలవాడ నరసింహారెడ్డి జీవితం ఆధారంగా రూపొందింది. చిరుకు జోడీగా నయనతార నటించింది. అమితాబ్‌ బచ్చన్‌, విజయ్‌ సేతుపతి, జగపతిబాబు, తమన్నా, కిచ్చా సుదీప్‌ తదితరులు ముఖ్య పాత్రలు పోషించారు. సురేందర్‌ రెడ్డి దర్శకుడు. గాంధీ జయంతి సందర్భంగా వచ్చే నెల 2న ప్రేక్షకుల ముందుకు రానుంది.

ఇది చదవండి: చిరు తర్వాతి సినిమాలో డబుల్ ధమాకా..!