Hat trick Hit Movies 2021: టాలీవుడ్ లేదా ఇతర భాషల్లో కొన్ని కాంబినేషన్స్కు స్పెషల్ క్రేజ్ ఉంటుంది. వారి చిత్రాలు ఎవర్గ్రీన్గా నిలవడమే ఇందుకు కారణం. ముఖ్యంగా కొందరు డైరెక్టర్-హీరోల కాంబోల గురించి ప్రత్యేకంగా చెప్పనక్కర్లేదు. వారు చేసిన సినిమాలు వరుసగా సూపర్హిట్లను అందుకుంటాయి. ఫ్యాన్స్లో ఫుల్ జోష్ను నింపుతాయి. వారి కలయికలో చిత్రాలు మళ్లీ ఎప్పుడు వస్తాయా? అంటూ అభిమానులను ఆసక్తిగా ఎదురుచేసేలా చేస్తాయి.
అయితే ఇప్పటికే రెండు సార్లు జోడీ కట్టి సక్సెస్ అయిన హీరో, దర్శకులు తాజాగా మరోసారి విభిన్నమైన కథాంశంతో వచ్చి ఘన విజయాన్ని అందుకున్నారు. ఇందులో కథానాయకుల గెటప్లు కూడా సినీప్రియుల్ని విపరీతంగా ఆకట్టుకున్నాయి. అలా ఈ ఏడాది ముచ్చటగా మూడోసారి సూపర్హిట్ను అందుకున్న డైరెక్టర్-హీరో కాంబోలు ఏంటో చూసేద్దాం..
బోయపాటి-బాలయ్య గర్జన
Boyapati-Balakrishna Hat trick movie: 'అఖండ'.. బోయపాటి-బాలకృష్ణ కలయికలో వచ్చిన మూడో సినిమా ఇది. కరోనా సెకండ్ వేవ్ తర్వాత రిలీజ్ అయిన తొలి పెద్ద సినిమాగా నిలిచి సూపర్హిట్ను అందుకుంది. మంచి వసూళ్లను దక్కించుకుని బాలయ్య కెరీర్లోనే ప్రత్యేకంగా నిలిచింది. భారీ అంచనాలతో వచ్చిన ఈ చిత్రానికి ప్రేక్షకులు బ్రహ్మరథం పట్టారు. ఇందులో బాలయ్య అఘోర గెటప్, నటన, డైలాగ్లు, తమన్ బ్యాక్ గ్రౌండ్ మ్యూజిక్ మూవీకి హైలైట్గా నిలిచాయి. ఇందులో ప్రగ్యా జైస్వాల్, పూర్ణ, శ్రీకాంత్ కీలక పాత్ర పోషించారు. అంతకుముందు బోయపాటి-బాలకృష్ణ కాంబోలో వచ్చిన 'సింహ', 'లెజెండ్' కూడా ఘన విజయాన్ని అందుకున్నాయి.
తగ్గేదే లే
Alluarjun-Sukumar Hat trick movie:'పుష్ప' పార్ట్-1.. 'తగ్గేదే లే' అంటూ 'అఖండ' తర్వాత థియేటర్లో సందడి చేసిన అల్లు అర్జున్ 'పుష్ప'.. చెప్పినట్లుగా ఏ మాత్రం తగ్గకుండా బాక్సాఫీస్ ముందు అదరగొట్టింది. ఇది కూడా భారీ వసూళ్లను అందుకుంది. దర్శకుడు సుకుమార్ టేకింగ్, హీరో బన్నీ డీగ్లామర్ గెటప్, యాక్టింగ్, డైలాగ్లు, డీఎస్పీ మ్యూజిక్ ఫ్యాన్స్ను విపరీతంగా అలరించాయి. ఇక రష్మిక, సునీల్, అనసూయ కూడా తమకున్న పరిధిలో బాగానే నటించారు. సుకుమార్-బన్నీ కలిసి గతంలో 'ఆర్య', 'ఆర్య-2' చిత్రాలతో ప్రేక్షకులను ఆకట్టుకున్నారు.
రామ్-కిషోర్
Kisore-Ram Hat trick movie: 'నేను శైలజ', 'ఉన్నది ఒకటే జిందగీ' వంటి ఫీల్ గుడ్ మూవీస్తో ప్రేక్షకుల్లో సక్సెస్ఫుల్ కాంబినేషన్గా పేరు తెచ్చుకున్నారు దర్శకుడు కిషోర్-హీరో రామ్. వీరి కలయికలో వచ్చిన 'రెడ్' సినిమా కూడా మంచి విజయాన్ని తెచ్చిపెట్టింది. దీంతో వీరిది హ్యాట్రిక్ హిట్ కాంబోగా నిలిచింది. ఇందులో రామ్ రెండు డిఫెరెంట్ లుక్స్లో కనిపించి ఆకట్టుకున్నారు.
ఫామ్లోకి
Raviteja-Gopichand Malineni Hat trick movie: ఈ ఏడాది ప్రారంభంలో 'క్రాక్' సినిమాతో బ్లాక్బస్టర్ హిట్ను అందుకుని మళ్లీ ఫామ్లోకి వచ్చారు మాస్ మహారాజా రవితేజ. ఇందులో రవితేజ పోలీస్ ఆఫీసర్గా కనిపించారు. గోపీచంద్ మలినేని ఈ మూవీకి దర్శకత్వం వహించారు. వీరిద్దరి కలయికలో ఇది మూడో చిత్రం. 2010లో రవితేజ నటించిన 'డాన్‌ శీను' చిత్రంతో దర్శకుడిగా మారిన గోపీచంద్.. ఆ తర్వాత మాస్మాహారాజాతో 'బలుపు'ను తెరకెక్కించి మరో విజయాన్ని తన ఖాతాలో వేసుకున్నారు. ఈ రెండు చిత్రాలు అభిమానులను బాగా ఆకట్టుకున్నాయి.
ఇదీ చూడండి: ఈ వారం థియేటర్‌/ఓటీటీలో వచ్చే సినిమాలివే!
