బాలీవుడ్ సినిమాలో ప్రముఖ విదేశీ డ్యాన్సర్లు

వరుణ్​ ధావన్ హీరోగా తెరకెక్కుతున్న 'స్ట్రీట్ డ్యాన్సర్​ త్రీడీ'లో పలు దేశాలకు చెందిన ప్రముఖ డ్యాన్సర్లు కనిపించనున్నారు. ప్రస్తుతం ముంబయిలో క్లైమాక్స్​ను చిత్రీకరిస్తున్నారు.

బాలీవుడ్​లో డ్యాన్స్ నేపథ్యంలో వచ్చిన 'ఏబీసీడీ', 'ఏబీసీడీ-2' సినిమాలు ప్రేక్షకుల్ని ఆకట్టుకుని హిట్​గా నిలిచాయి. వాటికి కొనసాగింపుగా వస్తున్న చిత్రం 'స్ట్రీట్ డ్యాన్సర్ త్రీడీ'. వరుణ్ ధావన్, శ్రద్ధా కపూర్ హీరోహీరోయిన్లుగా నటిస్తున్నారు. నోరా ఫతేహి, ప్రభుదేవా కీలక పాత్రలు పోషిస్తున్నారు. రెమో డిసౌజా దర్శకుడు.

స్ట్రీట్ డ్యాన్సర్​ త్రీడీ సినిమాలోన ఓ సన్నివేశం

లండన్, దుబాయిలో షూటింగ్ పూర్తి చేసుకుని ప్రస్తుతం ముంబయి పరిసర ప్రాంతాల్లో క్లైమాక్స్​ను చిత్రీకరిస్తున్నారు. ఇందులో యూకే, జర్మనీ, నేపాల్, ఆఫ్రికా దేశాలకు చెందిన ప్రముఖ డ్యాన్సర్లు పాల్గొంటున్నారు. వచ్చే ఏడాది జనవరి 24న ప్రేక్షకుల ముందకు రానుందీ చిత్రం.

"ఈ సినిమాలో వివిధ దేశాలకు చెందిన డ్యాన్సర్లు నటిస్తుండటం మాకెంతో ఆనందంగా ఉంది. ఇందులో ఫైనల్​కు సంబంధించిన సెట్​ను ఎంతో అద్భుతంగా తీర్చిదిద్దారు. కొరియోగ్రాఫీ, సంగీతం కచ్చితంగా ప్రేక్షకుల్ని ఆకట్టుకుంటుంది." -భూషణ్ కుమార్, చిత్ర నిర్మాత

ఇది చదవండి: 'బీచ్​లో చచ్చిపోవాలనేది నా కోరిక'