'గీతగోవిందం' హిందీ రీమేక్​లో 'కబీర్​సింగ్' తమ్ముడు!

టాలీవుడ్ యువ హీరో విజయదేవరకొండ నటించిన మరో చిత్రం బాలీవుడ్​లో తెరకెక్కబోతోంది. ఇప్పటికే అతడు నటించిన అర్జున్​రెడ్డి.. కబీర్​సింగ్​ పేరిట రీమేక్​ అయి ఘన విజయం సాధించింది. ఇప్పుడు గీతగోవిందం కూడా హిందీ ప్రేక్షకులను అలరించనుంది. ఇందులో షాహిద్ కపూర్ తమ్ముడు ఇషాన్ కట్టర్ నటించనున్నట్లు సమాచారం

రౌడీహీరో విజయ్‌ దేవరకొండ నటించిన మరో తెలుగు సినిమా బాలీవుడ్‌లో రీమేక్‌ కానుంది. ఇప్పటికే ఆయన కెరీర్‌కు బ్రేక్‌ ఇచ్చిన 'అర్జున్‌ రెడ్డి'.. అక్కడ ‘కబీర్‌ సింగ్‌’ టైటిల్‌తో తెరకెక్కింది. హిందీ ప్రేక్షకులు కూడా ఆ సినిమాను బాగా ఆదరించారు. ఇప్పుడు విజయ్‌ నటించిన మరో సినిమా 'గీత గోవిందం' కూడా హిందీలో రానుంది.

ఈ సినిమా రీమేక్‌ హక్కుల్ని ప్రముఖ దర్శకుడు రోహిత్‌ శెట్టి సొంతం చేసుకున్నాడు. యాక్షన్‌ సినిమాలతో గుర్తింపు తెచ్చుకున్న ఆయన... ఇప్పుడు ప్రేమకథను తీయబోతున్నాడు. అయితే రోహిత్‌ ఈ సినిమాకు నిర్మాతగా మాత్రమే వ్యవహరించనున్నాడు.

ఇషాన్-జాన్వి జోడీ..?

ఈ రీమేక్‌లో విజయ్‌ పాత్రలో యువ హీరో ఇషాన్‌కట్టర్ నటించే అవకాశం ఉన్నట్లు సమాచారం. ఇదే నిజమైతే రష్మిక పాత్రలో జాన్వికే ఎక్కువ ఛాన్స్​ ఉంటుందని చిత్రవర్గాల సమాచారం. ఇషాన్ - జాన్వి 'దఢక్‌' సినిమాలో నటించారు. ఈ సినిమా దాదాపు రూ.100 కోట్లు కలెక్షన్లు రాబట్టింది.

ఇషాన్ - జాన్వీ

గతంలో రోహిత్‌ తెలుగు హిట్‌ 'టెంపర్‌'ను కూడా హిందీలో రీమేక్‌ చేశారు. రణ్‌వీర్‌ సింగ్‌ నటించిన ఈ సినిమా విజయం సాధించింది.

ఇదీ చదవండి: కోపంలో ఐశ్వర్యరాయ్​ అభినయం చూశారా..?