టాలీవుడ్‌కు చెందిన ముగ్గురు హీరోలు 30ఏళ్ల తర్వాత ఒకే చోట కలిశారు. ఆ అరుదైన ఘటనకు రామోజీ ఫిల్మ్ సిటీ వేదికైంది. ఇంతకీ ఎవరా ముగ్గురు సోదరులు అనేగా మీ అనుమానం. 90ల్లో వచ్చిన 'గ్యాంగ్ లీడర్' సినిమా గుర్తుందిగా. ఆ సినిమాలో మెగాస్టార్‌ చిరంజీవి, మురళీ మోహన్‌, శరత్‌కుమార్‌ అన్నదమ్ములుగా నటించారు. ఆ ముగ్గురు అన్నదమ్ములు దాదాపు 30 ఏళ్ల తర్వాత మళ్లీ ఒకే చోట కలుసుకున్నారు.
ప్రస్తుతం ఈ ముగ్గురూ రామోజీ ఫిల్మ్ సిటీలోనే తమతమ సినిమా చిత్రీకరణల్లో బిజీగా ఉన్నారు. మెగాస్టార్‌ 'ఆచార్య' షూటింగ్లో.. మరళీ మోహన్‌, శరత్‌కుమార్‌ వేర్వేరు సినిమాలు చేస్తున్నారు. ఇలా అనుకోకుండా.. ఈ ముగ్గురు ఒకేచోట కలవడం వల్ల 'గ్యాంగ్లీడర్' నాటి జ్ఞాపకాలను నెమరువేసుకున్నారు. ముగ్గురూ కలిసి ఫొటో తీసుకుని అభిమానులతో పంచుకున్నారు.