ఆయుష్మాన్ ఖురానా, నుష్రత్ భరూచ ప్రధానపాత్రల్లో నటించిన బాలీవుడ్ చిత్రం 'డ్రీమ్ గర్ల్'. ఈ సినిమా ట్రైలర్ విడుదలైంది. ట్రైలర్ చూస్తుంటే ఆయుష్మాన్ మరోసారి విభిన్న కాన్సెప్ట్తో నవ్వించడానికి సిద్ధమయినట్లు అర్థమవుతోంది.
ట్రైలర్ స్టోరీ
ట్రైలర్: 'డ్రీమ్ గర్ల్'గా ఆయుష్మాన్
ఆయుష్మాన్ ఖురానా హీరోగా నటించిన 'డ్రీమ్ గర్ల్' ట్రైలర్ విడుదలైంది. సెప్టెంబర్ 13న ప్రేక్షకుల ముందుకు రానుందీ చిత్రం.
ఆయుష్మాన్
లోకేష్ బిస్త్ (ఆయుష్మాన్).. నాటకాల్లో రాధా, సీత, ద్రౌపది పాత్రలు వేస్తూ ఉంటాడు. ఇది ఇష్టం లేని అతడి తండ్రి (అన్ను కపూర్) ఏదైన చిన్న ఉద్యోగం చూసుకోమని సలహాలిస్తుంటాడు. 'డయల్ ఏ ఫ్రెండ్' అనే ఉద్యోగాన్ని సంపాదించిన ఆయుష్మాన్.. పూజ అనే మహిళ పేరుతో ఫోన్ చేసి ఆటపట్టిస్తుంటాడు. ఆ తర్వాత జరిగిన పరిణామాలతో ఆద్యంతం ట్రైలర్ ఆసక్తికరంగా సాగింది.
ఈ సినిమాకు రాజ్ షాండిలియా దర్శకత్వం వహించాడు. ఏక్తా కపూర్ నిర్మాతగా వ్యవహరిస్తోన్న ఈ మూవీ సెప్టెంబర్ 13న ప్రేక్షకుల ముందుకు రానుంది. ఇటీవలే 'అంధాధున్' చిత్రానికి జాతీయ ఉత్తమ నటుడి అవార్డు అందుకున్న ఆయుష్మాన్ ఈ చిత్రంతో మరోసారి ప్రేక్షకుల్ని అలరించనున్నాడు.
ఇవీ చూడండి.. పంద్రాగస్టుకు స్టైలిష్ స్టార్ సూపర్ గిఫ్ట్
Last Updated : Sep 26, 2019, 7:20 PM IST