అల్లు అర్జున్‌.. సుకుమార్‌ల కలయికలో వచ్చిన 'ఆర్య'(alluarjun arya movie) సిరీస్ చిత్రాలకు ప్రేక్షకుల నుంచి మంచి ఆదరణ దక్కింది. ఇప్పుడా సిరీస్‌కు కొనసాగింపుగా 'ఆర్య 3'(Arya 3 movie) తీసుకురానున్నట్లు దర్శకుడు సుకుమార్ సామాజిక మాధ్యమాల వేదికగా తెలియజేశారు.
తాజాగా ఇన్‌స్టాగ్రామ్‌ వేదికగా అభిమానులతో ముచ్చటించిన సుకుమార్.. 'పుష్ప'(pushpa movie) సినిమాతో పాటు 'ఆర్య 2' సీక్వెల్‌కు సంబంధించి పలు ఆసక్తికర విషయాలు పంచుకున్నారు. 'పుష్ప: ది రైజ్‌'(pushpa movie release date) విడుదల తేదీలో ఎలాంటి మార్పు ఉండదని, కచ్చితంగా డిసెంబరు 17న ప్రేక్షకుల ముందుకొస్తుందని తెలియజేశారు. ఈ చిత్రంలో సునీల్‌ ఓ ప్రధాన విరోధిగా కనిపిస్తారని, ఫహద్‌ ఫాజిల్‌ పాత్ర క్లైమాక్స్‌లోనే ప్రవేశిస్తుందని స్పష్టత ఇచ్చారు.