మరో ఏడాదిపాటు ఈ పాటదే రచ్చంతా: తమన్నా

'సరిలేరు నీకెవ్వరు'లోని 'డాంగ్ డాంగ్' పాట మేకింగ్ వీడియో విడుదలైంది. గీతం విశేషాలను దర్శకుడు అనిల్ రావిపూడితో కలిసి ముద్దుగుమ్మ తమన్నా వివరించింది.

సూపర్​స్టార్ మహేశ్​బాబు 'సరిలేరు నీకెవ్వరు' మరికొద్దిరోజుల్లో ప్రేక్షకుల ముందుకు రానుంది. ప్రచారంలో చిత్రబృందం బిజీగా ఉంది. ఈ నేపథ్యంలో మహేశ్​-తమన్నాపై చిత్రీకరించిన 'డాంగ్ డాంగ్' పాట మేకింగ్ వీడియోను విడుదల చేసింది. గీతం విశేషాలను దర్శకుడు అనిల్ రావిపూడితో కలిసి తమన్నా చర్చించింది. రానున్న ఏడాది పాటు పార్టీల్లో ఈ పాట మార్మోగిపోతుందని చెప్పింది.

ఈ సినిమాలో మేజర్​ అజయ్​కృష్ణగా మహేశ్​ కనిపించనున్నాడు. రష్మిక హీరోయిన్. విజయశాంతి, ప్రకాశ్ రాజ్​, రాజేంద్రప్రసాద్, సంగీత తదితరులు కీలక పాత్రలు పోషించారు. దేవిశ్రీ ప్రసాద్ సంగీతమందించాడు. అనిల్ సుంకర-దిల్​రాజు-మహేశ్​బాబు సంయుక్తంగా నిర్మించారు. ఈనెల 11న థియేటర్లలోకి రానుందీ చిత్రం.