కరోనా జాగ్రత్తలపై అమితాబ్ బచ్చన్ పద్యం

కరోనా రాకుండా తీసుకోవాల్సిన జాగ్రత్తలను పద్య రూపంలో చెప్పాడు బాలీవుడు నటుడు అమితాబ్ బచ్చన్. ఈ వీడియోను ట్విట్టర్​లో పోస్ట్ చేశాడు.

ప్రాణాంతక కరోనా సోకకుండా​ తగు జాగ్రత్తలు తీసుకోవాలని ప్రభుత్వాలు చెబుతున్నాయి. పలువురు సెలబ్రిటీలు సూచనలిస్తున్నారు. ఈ నేపథ్యంలోనే బాలీవుడ్​ మెగాస్టార్ అమితాబ్ బచ్చన్ ఓ వీడియోను ట్వీట్ చేశాడు. ఈ వైరస్​ రాకుండా తీసుకోవాల్సిన విషయాన్ని పద్యరూపంలో చెప్పాడు. చేతులు శుభ్రం చేసుకోవాలని, జాగ్రత్తగా ఉండాలని అన్నాడు.

అన్నిరంగాలతో పాటు సినీ రంగంపైనా కరోనా ప్రభావం పడింది. కేరళ, దిల్లీల్లో ఈనెల చివరి వరకు థియేటర్లను మూసివేస్తున్నట్లు అక్కడి ప్రభుత్వాలు ప్రకటించాయి. విదేశాల్లో జరగాల్సిన చాలా సినిమాల షూటింగ్​లు ఇప్పటికే వాయిదా పడగా, విడుదల తేదీలు మారుతున్నాయి.