తండ్రిని చదివించిన కొడుకు... కారణం అదే!

సాధారణంగా కొడుకును ఉన్నత చదువులు చదివించి మంచి భవిష్యత్తు ఇవ్వాలని ప్రతి తండ్రీ కలలు కంటాడు. అందుకు చాలా ఇబ్బందులే ఎదుర్కొంటాడు. ఇందుకు భిన్నంగా ఓ తండ్రిని కొడుకు చదివించడం అనే ముఖ్య ఉద్దేశంతో రూపొందుతోంది ఓ చిత్రం. చదవడం గొప్పా.. చదివించడం గొప్పా అనే కథాంశంతో తండ్రీ కొడుకుల అనుబంధాన్ని ముడి పెడుతూ తెరకెక్కిస్తున్నాడు దర్శకుడు హరి సంతోష్​.

రాహుల్‌ విజయ్‌, ప్రియ వడ్లమాని జంటగా నటిస్తున్న చిత్రం 'కాలేజ్‌ కుమార్‌'. రాజేంద్ర ప్రసాద్‌ ముఖ్య పాత్రపోషిస్తున్నారు. హరి సంతోష్‌ దర్శకుడు. ఎల్‌.పద్మనాభ నిర్మాత. లక్ష్మణ గౌడ సమర్పిస్తున్న ఈ సినిమా మార్చి 6న ప్రేక్షకుల ముందుకు రానుంది. ఈ సందర్భంగా విడుదల ముందస్తు వేడుక ఘనంగా నిర్వహించారు. హీరో గోపీచంద్‌, దర్శకుడు గోపీచంద్‌ మలినేని, రామ్‌లక్ష్మణ్‌ అతిథులుగా హాజరయ్యారు.

తండ్రిని చదివించిన కొడుకు కారణం అదే!

" నేనీ వేడుకకు వచ్చానంటే కారణం విజయ్‌ మాస్టర్‌. మాలాంటి హీరోలకు యాక్షన్‌ ఇమేజ్‌ వచ్చిందంటే ఆయన, రామ్‌లక్ష్మణ్‌ మాస్టర్ల కృషే కారణం. ట్రైలర్‌లో రాహుల్‌, రాజేంద్రప్రసాద్‌ల కెమిస్ట్రీ బాగుంది. రాజేంద్ర ప్రసాద్‌ సెట్లో ఉంటే ఓ నటనా నిఘంటువు పక్కన ఉన్నట్లే. విజయ్‌ పెద్ద హీరో కావాలి. దర్శకుడికి మంచి పేరు రావాలి."

-- గోపీచంద్​, హీరో

తండ్రిని చదివించిన కొడుకు కారణం అదే!

ప్రతి ఇంట్లో తండ్రీ కొడుకుల మధ్య ఉండే కథను దర్శకుడు ఎంతో చక్కగా చూపించారని అన్నారు గోపీచంద్​ మలినేని. కొడుక్కి కోపం వచ్చి తండ్రిని చదువుకోవడానికి పంపడమనే అంశం బాగా నచ్చిందని చెప్పారు.

హీరో రాహుల్‌కి చెప్పేది ఒకటే అది నువ్వు నీ పని నమ్ముకో అదే నిన్ను ముందుకు తీసుకెళ్తుందని రామ్ లక్ష్మణ్​ అన్నారు. మేమింత వరకు వచ్చామంటే కారణం ఇదేనని ఆయన తెలిపారు.

తండ్రిని చదివించిన కొడుకు కారణం అదే!

"ఇంత మంచి చిత్రాన్ని తెలుగు, తమిళంలో చేయడానికి అవకాశమిచ్చినందుకు నిర్మాతలకు కృతజ్ఞతలు. చదవడం గొప్పా.. చదివించడం గొప్పా అనే కథాంశానికి తండ్రీ కొడుకుల అనుబంధాన్ని ముడిపెట్టి దర్శకుడు ఓ మంచి చిత్రాన్ని చూపించారు. ఇది నా కెరీర్‌లో గుర్తుంచుకోదగ్గ చిత్రమవుతుంది."

-- రాహుల్‌ విజయ్,​ హీరో

ఏ నటుడైనా నటిస్తున్నంత కాలం సంతోషంగా ఉంటాడు. ఒక తండ్రిని కొడుకు ఎందుకు చదివించాడనేది ఇందులో ఆసక్తికరమని రాజేంద్ర ప్రసాద్​ చెప్పారు.

తండ్రిని చదివించిన కొడుకు కారణం అదే!

తండ్రిని చదివించిన కొడుకు కారణం అదే!

ఇదీ చదవండి:ఆ ఫేస్​బుక్​ ఫొటోయే శ్రద్ధాను హీరోయిన్​ చేసింది!