గతంలో నామినేషన్(big boss nominations) అంటూ సీక్రెట్ రూమ్కు లోబోను పంపిన బిగ్బాస్.. తాజాగా జెస్సీని పంపాడు. హౌస్‌లో ఉన్న జెస్సీ గత కొన్ని రోజులుగా వర్టికో సమస్యతో బాధపడుతున్నాడు(bigg boss jessi). ఈ క్రమంలో వైద్యుడితో మాట్లాడటం.. విశ్రాంతి అవసరమని ఆయన సూచించడం వల్ల హౌస్‌నుంచి బయటకు రావాల్సిందిగా బిగ్బాస్ జెస్సీకి సూచించాడు. ఈ విషయం తెలిసిన అతని స్నేహితులు సిరి, షణ్ముఖ్‌లు బాధపడ్డారు. సన్నీ, మానస్, ప్రియాంకలు కూడా తనను బాగా చూసుకున్నారని జెస్సీ చెప్పాడు.
"నాకు మంచి హెల్త్ చెకప్ చేయించారు.. నాకు ఇప్పుడు ఎలాంటి ఇబ్బంది లేదు.. నా ఆరోగ్య పరిస్థితి బాగానే ఉంది. నేను ఇంకా గేమ్‌లోనే ఉన్నాను.. సీక్రెట్ రూంలో పెట్టినందుకు చాలా థాంక్స్‌ బిగ్ బాస్" అని చెప్పాడు జెస్సీ. బయటకు వెళ్లి రావడం వల్ల క్వారంటైన్‌లో ఉండాల్సిందిగా బిగ్బాస్ జెస్సీకి సూచించాడు.