చర్చల దశలో 'అ!' సినిమా సీక్వెల్..!

'అ!' సినిమాకు సీక్వెల్​ తీసేందుకు సిద్ధమవుతున్నాడు దర్శకుడు ప్రశాంత్ వర్మ. కాజల్, విజయ్ సేతుపతి ప్రధాన పాత్రల్లో నటించనున్నారని సమాచారం.

విభిన్న కథాంశంతో వచ్చిన 'అ!'.. విమర్శకులతో పాటు ప్రేక్షకుల ప్రశంసలు అందుకుంది. ఇటీవలే జాతీయ అవార్డునూ సొంతం చేసుకుంది. అయితే ఇప్పుడు ఈ చిత్రానికి సీక్వెల్​ తీసే ఆలోచనలో ఉన్నాడు దర్శకుడు ప్రశాంత్ వర్మ. ఇప్పటికే స్క్రిప్ట్​ను సిద్ధం చేశాడని టాక్.

అ! సినిమాలో కాజల్ అగర్వాల్

విజయ్​ సేతుపతి, కాజల్​ అగర్వాల్​ ప్రధాన పాత్రలు పోషించనున్నారని సమాచారం. మొదటి భాగం మాదిరి ఎక్కువ కథలు కాకుండా ఒకే కథతో సినిమా తీయనున్నారు. ఇందులోనూ కాజల్ పాత్రకే ఎక్కువ ప్రాధాన్యం ఉండనుంది. ఇతర భాషల్లోనూ తెరకెక్కించే యోచనలో​ ఉంది చిత్రబృందం. వీటిపై స్పష్టత రావాల్సి ఉంది.

ఇది చదవండి: గూగుల్ ప్లే స్టోర్​లో సాహో వీడియో గేమ్​