బాలీవుడ్ భామ అనుష్క శర్మ.. 2018 చిత్రం జీరోలో కనిపించినప్పటి నుంచి సిల్వర్స్క్రీన్‌కు దూరంగా ఉంది. అయితే కెమెరాకు దూరంగా, తన జీవితాన్ని నిర్మించుకోవడానికి పనిచేస్తున్నట్లు పేర్కొంది. తాజాగా ఓ ఇంటర్వ్యూలో ఆమె వ్యక్తిగత జీవితంపై మాట్లాడింది. అంతేకాకుండా సినిమాలకు విరామం ఇవ్వడానికి కారణాన్నీ వెల్లడించింది.
"జీవితం సాఫీగా సాగట్లేదు. గతంలో నేను ఒకేసారి రెండు సినిమా షూటింగ్ల్లో పాల్గొన్న రోజులూ ఉన్నాయి. అప్పుడు ఆరోగ్యం కోసం పట్టించుకోలేదు. ఇప్పుడు నేను షెడ్యూల్ పెట్టుకొని పనిచేయాలని అనుకోవట్లేదు. కొత్తగా ఏమైనా ప్రయత్నించాలని ఉంది. ఎంత సమయం పట్టినా ఆత్మసంతృప్తి కలిగించే పనే చేయాలని ఉంది. నన్ను నేను సవాలు చేసుకుంటూ ఎదగాలని భావిస్తున్నా. సినిమా గురించి ఆలోచించకుండా ఉండాలనుంది. ఇందులో భాగంగానే సొంతంగా సినిమాల నిర్మాణం ప్రారంభించాను. నా సృజనాత్మకతకు అద్దం పట్టేలా ఓ దుస్తుల తయారీ సంస్థను స్థాపించాలని ఉంది".
- అనుష్క శర్మ, బాలీవుడ్ నటి.