బిగ్​బీ క్రేజీ ట్వీట్.. భారత క్రికెటర్ల కుమార్తెలతో జట్టు

టీమ్​ఇండియా క్రికెటర్లలో ఎక్కువశాతం మందికి కూతుర్లే ఉండడం ఇప్పుడు చర్చనీయాంశంగా మారింది. ఈ వ్యవహారంపై బాలీవుడ్ దిగ్గజం అమితాబ్​ బచ్చన్ తనదైన శైలిలో ట్వీట్ చేసి నవ్వులు పూయించారు.

బాలీవుడ్​ మెగాస్టార్​ అమితాబ్ బచ్చన్​ కూడా క్రికెట్​కు వీరాభిమానే. ఆటపై అప్పుడప్పుడు తన అభిప్రాయాలు వెల్లడిస్తూ ఉంటారు. ఇప్పుడు మరోసారి తన హాస్య చతురతను బయటపెట్టారు.

అశ్విన్, పుజారా, రహానె, జడేజాల కూతుళ్లు

భారత కెప్టెన్ విరాట్​ కొహ్లీ, నటి అనుష్క శర్మ దంపతులకు ఈ సోమవారం(జనవరి 11) ఆడపిల్ల పుట్టింది. ఆ వెంటనే కుమార్తెలు ఉన్న భారత క్రికెటర్ల జాబితా సామాజిక మాధ్యమాల్లో చక్కర్లు కొట్టింది. దీనిపై తనదైన శైలిలో స్పందించారు అమితాబ్. "భారత క్రికెటర్లలో అందరికీ దాదాపుగా కూతుర్లే ఉన్నారు. దీంతో వారే సొంతంగా ఓ మహిళా క్రికెట్ జట్టును తయారు చేసుకోవచ్చు" అని సరదాగా ట్వీట్ చేశారు.

తన అభిమానులు కూడా అదే అభిప్రాయపడుతున్నారని చెప్పారు బిగ్​బీ. అయితే వారు పంచుకునే జాబితాలో భారత మాజీ సారథి మహేంద్ర సింగ్ ధోనీని మరచిపోయిన విషయాన్ని పట్టుకున్నారు అమితాబ్. "ధోనీకి కూడా కూతురు ఉంది. ఆమె కెప్టెన్​ అవుతుందా?" అని ట్విట్టర్​లో రాసుకొచ్చారు.

చిట్టి తల్లులతో ధోనీ, రోహిత్ శర్మ

ఇదీ చూడండి:భారత కెప్టెన్ కోహ్లీ దంపతులకు ఆడపిల్ల