అక్కినేని యువ హీరో అఖిల్ తన తాజా చిత్రం 'మోస్ట్‌ ఎలిజిబుల్‌ బ్యాచిలర్‌' చిత్రీకరణలో గాయపడినట్లు సమాచారం. 'బొమ్మరిల్లు' భాస్కర్‌ దర్శకత్వంలో ఈ చిత్రం రూపొందుతోంది. అఖిల్కు జోడీగా పూజా హెగ్డే నటిస్తోంది. ప్రస్తుతం ఈ సినిమా షూటింగ్లో భాగంగా ఓ కామెడీ ఫైట్‌ చిత్రీకరణ జరుపుతుండగా.. అఖిల్ కుడి భుజానికి గాయమైనట్లు తెలుస్తోంది.
ఇది తీవ్రమైన గాయం కానప్పటికీ కచ్చితంగా విశ్రాంతి తీసుకోవాల్సిన అవసరం ఉందని వైద్యులు సూచించారట. ఫలితంగా అఖిల్ మార్చి 10 వరకు మళ్ళీ సెట్స్‌లోకి అడుగుపెట్టే అవకాశాలు లేవని తెలుస్తోంది. అతడు అందుబాటులో లేకున్నా చిత్రీకరణ కొనసాగనుందని టాక్.