శర్వానంద్, రష్మిక జంటగా నటిస్తున్న కొత్త చిత్రం 'ఆడాళ్లు మీకు జోహార్లు'. సోమవారం రష్మిక పుట్టినరోజు సందర్భంగా ఈ సినిమాలోని ఆమె లుక్ను విడుదల చేసింది చిత్రబృందం. కిషోర్ తిరుమల దర్శకత్వంలో శ్రీ లక్ష్మి వెంకటేశ్వర సినిమాస్ పతాకంపై ఈ చిత్రాన్ని నిర్మిస్తున్నారు.
బాలీవుడ్ నటుడు జాన్ అబ్రహం ఓ వైపు కథానాయకుడిగా నటిస్తూనే మరోవైపు నిర్మాతగాను రాణిస్తున్నారు. జేఏ ఎంటర్‌టైన్‌మెంట్ పతాకంపై'విక్కీ డోనర్‌', 'మద్రాస్‌ కేఫ్‌' వంటి చిత్రాలను నిర్మించిన జాన్.. 'తార వర్సెస్‌ బిలాల్‌' అనే చిత్రాన్ని నిర్మించనున్నట్లు వెల్లడించారు. ఇందులో హర్షవర్ధన్ రాణే, అంగిర ధార్‌ నాయకానాయికలుగా నటించనున్నారు. ఈ చిత్రానికి సమర్‌ షేక్ దర్శకత్వం వహించనున్నారు.