'అఖండ' చిత్రంలో ప్రతినాయకుడిగా తనను, తన వేషధారణను నందమూరి బాలకృష్ణే ఎంపిక చేశారని శ్రీకాంత్ స్పష్టం చేశారు. వరదరాజులు పేరుతో చాలా క్రూరమైన ప్రతినాయకుడిగా నటించినట్లు వెల్లడించారు.
'అఖండ' విలన్ శ్రీకాంత్
ఇలాంటి పాత్ర రావడం చాలా అరుదు అని శ్రీకాంత్ చెప్పారు. ఫ్యామిలీ ఇమేజీ ఉన్న తాను.. ఇలాంటి క్యారెక్టర్కు న్యాయం చేయగలనా అని తొలుత భయపడ్డానని అన్నారు.
బాలకృష్ణతో కలిసి రెండో సినిమా చేయడం తన అదృష్టంగా భావిస్తున్నట్లు పేర్కొన్న శ్రీకాంత్.. 'అఖండ' చిత్రాన్ని అభిమానులతో కలిసి చూసేందుకు ఎదురుచూస్తున్నట్లు వెల్లడించారు. డిసెంబర్ 2న అఖండ ప్రపంచవ్యాప్తంగా ప్రేక్షకుల ముందుకు రానుంది.