దేశంలో కరోనా రెండోదశ విజృంభిస్తున్న నేపథ్యంలో సాయం చేసేందుకు పలువురు సినీ ప్రముఖులు ముందుకొస్తున్నారు. ఈ సంక్షోభంలో కరోనా బాధితులకు అండగా నిలిచేందుకు దిల్లీలో ఆక్సిజన్ సరఫరా కలిగిన 100 పడకల తాత్కాలిక ఆస్పత్రిని నిర్మించనున్నారు బాలీవుడ్ నటి హ్యూమా ఖురేషి. అందుకోసం 'సేవ్ ది చిల్డ్రన్' అనే బాలల హక్కుల సంస్థతో ఆమె చేయి కలిపారు. ఈ విషయాన్ని తన ఇన్స్టాగ్రామ్ వీడియో ద్వారా వెల్లడించారు.
మాట్లాడుతున్న హ్యూమా ఖురేషి
"కరోనా సంక్షోభం నేపథ్యంలో భారత్లోని కరోనా బాధితులకు అండగా నిలిచేందుకు 'సేవ్ ది చిల్డ్రన్' అనే బాలల హక్కుల సంస్థతో చేతులు కలుపుతున్నాను. ఇలాంటి సమయంలో కొవిడ్పై పోరాటం చేస్తున్న వారికి మన అవసరం ఎంతగానో ఉంది."
- హ్యూమా ఖురేషి, బాలీవుడ్ నటి