'అకాడమీ హాలీవుడ్​కే పరిమితం కాదు'

అకాడమీ హాలీవుడ్​కే పరిమితం కాదని అకాడమీ ఆఫ్ మోషన్ పిక్చర్స్​ ఆర్ట్స్​, సైన్సెస్ అధ్యక్షులు జాన్ బెయిలీ తెలిపారు. భారత్​లో పర్యటిస్తున్న ఆయన.. భారత సినీ పరిశ్రమ ప్రపంచంలోనే ఎక్కువ సినిమాలు రూపొందిస్తోందని చెప్పారు.

అకాడమీ ఆఫ్ మోషన్​ పిక్చర్స్​ ఆర్ట్స్​, సైన్సెస్(ఏఎమ్​పీఎస్​) అధ్యక్షులు జాన్ బెయిలీ భారత్​లో పర్యటిస్తున్నారు. ముంబయిలో మాట్లాడిన ఆయన ఏపీఎంపీఎస్ హాలీవుడ్​కే పరిమితం కాదని, అకాడమీని విశ్వవ్యాప్తం చేస్తున్నామని అన్నారు.

"అకాడమీలో వివిధ దేశాల సంస్కృతులు పాలుపంచుకోడాన్ని ఆహ్వానిస్తున్నాం. గత ఏడాది 56 దేశాల నుంచి 928మంది సభ్యులు ఇందులో పాల్గొన్నారు. ప్రపంచ వ్యాప్తంగా విస్తరించేందుకు తగిన చర్యలు తీసుకుంటున్నాం. అకాడమీ హాలీవుడ్​కే పరిమితం కాదు" - జాన్ బెయిలీ, ఏఎమ్​పీఎస్​ అధ్యక్షుడు

ప్రపంచంలోనే అత్యధిక సినిమాలు భారత్ నుంచి వస్తున్నాయని, ఇక్కడ దర్శకులు ఏడాదికి 1800 పైచిలుకు చిత్రాలు రూపొందిస్తున్నారని జాన్ బెయిలీ తెలిపారు. అమెరికా నుంచి వచ్చే చిత్రాల కంటే ఈ సంఖ్య నాలుగు రెట్లు అధికమని చెప్పారు.