అభిషేక్ బచ్చన్, నిత్యామేనన్, సయామీ కేర్ వంటి తారాగణంతో తెరకెక్కిన వెబ్ సిరీస్ 'బ్రీత్: ఇన్టు ద షాడోస్'. తాజాగా ఈ వెబ్సిరీస్ నుంచి నిత్యామేనన్ను పరిచయం చేస్తూ.. అభిషేక్ మరో టీజర్ను విడుదల చేశారు. ఇందులో నిత్యా తన కుమార్తెతో సంతోషంగా ఉండగా.. క్షణంలోనే పాప కనిపించకుండా పోతుంది. తరువాత అభిషేక్ బచ్చన్ కూడా పాప కోసం వెతకడం ప్రారంభిస్తాడు. ఉత్కంఠగా సాగిన టీజర్ ప్రేక్షకులను అమితంగా ఆకట్టుకుంటోంది. ఇందులో నిత్యామేనన్.. అభిషేక్ బచ్చన్ భార్యగా నటిస్తోంది.
మయాంక్ శర్మ దర్శకత్వం వహించిన ఈ సిరీస్ను జులై 10న అమెజాన్ ప్రైమ్లో విడుదల చేయనున్నారు. 2018లో వచ్చిన 'బ్రీత్' మొదటి భాగం నెటిజన్లను ఎంతగానో ఆకట్టుకుంది. సైకలాజికల్ థ్రిల్లర్గా తెరకెక్కిన పార్ట్-1లో హీరో మాధవన్ కీలకపాత్ర పోషించారు.