ఇద్దరు నాయకుల్ని ఒకే చిత్రంలో చూడటం ప్రేక్షకులకు పండగ. అలా అని కథేం లేకుండా హీరోలతో నడిపించేద్దాం అనుకుంటే దర్శకులు పప్పులో కాలేసినట్టే! అందుకే పరిమితంగా వస్తుంటాయి మల్టీస్టారర్‌లు. అయితే తనకు రెండు మల్టీస్టారర్‌లు తీయాలని ఉందన్నాడు దర్శకుడు స్వరూప్ ఆర్.
'ఏజెంట్‌ సాయి శ్రీనివాస ఆత్రేయ'తో దర్శకుడిగా పరిచయమైన స్వరూప్.. తొలి సినిమాతోనే అందరి దృష్టిని తనవైపు తిప్పుకున్నాడు. ఇటీవలే ఓ ఇంటర్వ్యూలో పాల్గొన్న అతడు.. తన కలల ప్రాజెక్టుల గురించి చెప్పుకొచ్చాడు.