వాట్సాప్ గురించి ప్రత్యేకంగా పరిచయం అక్కర్లేదు. ప్రపంచంలోనే అత్యంత ప్రజాదరణ పొందిన మెసేజింగ్ యాప్లలో ఇదీ ఒకటి. పిల్లల నుంచి పెద్దల వరకు.. ఉదయం లేచింది మొదలు రాత్రి పడుకునే వరకు.. అందులో చాట్ చేయనిదే రోజు గడవదు. అంతలా మనందరి నిత్యజీవితాల్లో భాగమైపోయింది. నెట్ బ్యాలెన్స్ ఉంటే చాలు అపరిమితంగా మెసేజ్లు చేసుకోవచ్చు. ఇదిలేని స్మార్ట్ఫోన్లు ఉన్నాయంటే చాలా అరుదు. మెసేజ్ అనే పదానికి ప్రత్యామ్నాయంగా మారిపోయింది వాట్సాప్.
ఇక కొత్త నంబర్కు సందేశం (Whatsapp tricks 2021) పంపాలంటే.. అవసరం లేకపోయినా ఆ నంబర్ను కాంటాక్ట్ లిస్ట్లో యాడ్ చేయాల్సిందే. లేదంటే మేసేజ్ చేయడానికి వీలుపడదు. అయితే వాట్సాప్లో నంబర్ సేవ్ చేయకుండా మెసేజ్ పంపించవచ్చని మీకు తెలుసా? అవును. అదెలాగో మీరూ తెలుసుకోండి.
వాట్సాప్ షార్ట్ లింక్‌లను ఉపయోగించి బ్రౌజర్ నుంచి చాట్‌ను చేయండిలా..
మీ ఫోన్లోని బ్రౌజర్ను(క్రోమ్ లేదా ఫైర్ఫాక్స్) ఓపెన్ చేయండి. సెర్చ్బార్లో https://wa.me/0000000000 లింక్ను కాపీ చేసి లేదా టైప్ చేసుకోవాలి. ఇక్కడ 0000000000 స్థానంలో మన దేశం కోడ్ 91తోపాటు మీరు మెసేజ్ చేయాలనుకున్న ఫోన్నంబరును టైప్ చేయాలి. ఉదాహరణకు మీ వాట్సాప్లో సేవ్ కాని నంబరును https://wa.me/919911269166 ఎంటర్ చేసి.. ఆ లింక్ను తెరవడానికి ఎంటర్పై క్లిక్ చేయండి. తర్వాత మీరు రిసీపియంట్ (గ్రహీత) మొబైల్ నంబరుతో గ్రీన్ కలర్ మెసేజ్ బటన్తో ఒక వాట్సాప్ పేజీ ఓపెన్ అవుతుంది. తర్వాత గ్రీన్కలర్ మెసేజ్ బటన్పై క్లిక్ చేస్తే మీరు మొబైల్ నంబరు సేవ్ చేసుకోకుండా సందేశం పంపవచ్చు.
ఐఫోన్‌లో సేవ్ చేయకుండా వాట్సాప్ నంబర్ను ఎలా టెక్స్ట్ చేయాలంటే?
పైన ఇచ్చిన wa.me లింకు ఐఫోన్లోనూ పనిచేస్తుంది. దీంతో పాటు ఇతర మెరుగైన ప్రత్యామ్నాయం సైతం ఐఫోన్ యూజర్లకు అందుబాటులో ఉంది. షార్ట్కట్స్ అనే యాప్ ద్వారా ఫోన్ నంబర్ను సేవ్ చేయకుండానే చాటింగ్ చేసుకోవచ్చు. ఈ యాప్లో ఉండే 'యాక్షన్స్' ఫీచర్ ద్వారా కాంటాక్ట్ నంబర్లకే కాకుండా ఇతరులకూ మెసేజ్లు పంపించవచ్చు.
ఇదీ చదవండి:ఆ వాట్సాప్‌ల జోలికెళ్తే.. డేంజర్‌లో పడ్డట్టే!
