భూకంపాలను గుర్తించే స్మార్ట్ ఫోన్లు త్వరలో మార్కెట్లోకి వస్తున్నాయి. ఇప్పటివరకు కేవలం వాతావరణం, పిడుగులు పడే అవకాశాలు ఎక్కడ ఉన్నాయి లాంటి సమాచారాన్ని ముందస్తుగానే అందించిన స్మార్ట్ఫోన్లు.. ఇకపై భూకంపాలను గుర్తించి, వినియోగదారులకు హెచ్చరికలు జారీ చేస్తాయి. ఇటువంటి సాంకేతికతను అభివృద్ధి చేస్తోంది ప్రముఖ స్మార్ట్ఫోన్ తయారీ సంస్థ షియోమీ (Xiaomi Phones). 'మెథడ్ అండ్ ఎక్విప్మెంట్ ఫర్ రియలైజింగ్ సెసిమిక్ మానిటరింగ్ ఆఫ్ మొబైల్ డివైజెస్' పేరుతో గిజ్మోచైనా ఓ కథనాన్ని ప్రచురించింది. దీనిలో భూకంపాలను గుర్తించే సాంకేతిక పరిజ్ఞానానికి పేటెంట్ హక్కులను పొందినట్లు పేర్కొంది. ఈ టెక్నాలజీని కొత్తగా వచ్చే స్మార్ట్ఫోన్లతో అందుబాటులోకి తీసుకురావాలి ప్రయత్నాలు చేస్తున్నట్లు వివరించింది.
ETV Bharat / science-and-technology
భూకంపాలను గుర్తించే ఫోన్లు వచ్చేస్తున్నాయ్! - షియోమి ఫోన్లతో భూకంపం గుర్తించడం
కాలం మారుతున్న కొద్ది సాంకేతికత పరుగులు పెడుతుంది. ఒకప్పుడు డబ్బా ఫోన్ నుంచి మొదలై.. స్మార్ట్ఫోన్ల వరకు వచ్చింది. ఇప్పటికే ఈ స్మార్ట్ ఫోన్ల సాయంతో ఎన్నో విషయాలు ముందస్తుగా తెలుసుకుంటున్నాం. కానీ ఇప్పుడు మరో అడుగు ముందుకు వేసి అవే స్మార్ట్ఫోన్ల సాయంతో భూకంప సమాచారాన్ని ముందుస్తుగా తెలుసుకునే సాంకేతికతను అభివృద్ధి చేస్తోంది షియోమీ(Xiaomi Phones). ఇందుకు సంబంధిచిన పూర్తి సమాచారం తెలుసుకోవాలి అంటే ఈ స్టోరీ చదివేయండి.
భూకంపాలను గుర్తించే ఫోన్లు
ఈ టెక్నాలజీ కేవలం మన దగ్గర ఉన్న స్మార్ట్ఫోన్లో ఉండే పరికరాల సాయంతోనే అభివృద్ధి చేయనున్నారు. ఈ పరికరాల సాయంతో సెసిమిక్ యాక్టవిటీని ముందస్తుగా గుర్తించి యూజర్ను సమాచారాన్ని అందిస్తుందని షియోమీ (Earthquake Alert On Xiaomi Phone) తెలిపింది. ఇది పూర్తిస్థాయిలో వినియోగదారులకు అందుబాటులోకి తీసుకొని వస్తే.. ప్రాణ నష్టాన్ని తప్పించుకునే అవకాశాలు ఎక్కువగా ఉంటాయని పేర్కొంది. ఈ సాంకేతికత సాయంతో ఈ ఏడాది మే లో సుమారు 4.0, అంతకంటే ఎక్కువ భూకంప తీవ్రత ఉన్న 35 భూకంపాలను గుర్తించారు. అయితే ఈ టెక్నాలజీని ఇప్పటికే ఉన్న 'ఎంఐయూఐ' సిస్టమ్స్లో అందుబాటులోకి తీసుకురావచ్చని తెలుస్తోంది.
ఇదీ చూడండి:Realme C25Y: 50 మెగాపిక్సల్ కెమెరాతో రియల్‌మీ కొత్త ఫోన్