పెళ్లిళ్లు, పార్టీలు.. దావత్‌ ఏదైనా.. చివరలో రైతాతో రెండు ముద్దలు తింటే ఆ రుచే వేరు. ఘుమఘుమలాడే వెజ్ బిర్యానీకి జతగా.. నాన్వెజ్లకు సైడ్ డిష్గా ఇది ఉండాల్సిందే.. ఎండలు మండుతున్న వేళ.. కడుపులో చల్లగా ఉండాలంటే ఓ కప్పు రైతా తింటే సరి.
కీరాతో..
కావాల్సినవి: కీరా ముక్కలు-అరకప్పు, పెరుగు-రెండు కప్పులు, ఉప్పు-తగినంత, మిరియాల పొడి, జీలకర్ర పొడి-అర చెంచా చొప్పున, కొత్తిమీర తరుగు-కొద్దిగా.
తయారీ: ఓ పెద్ద గిన్నెలో పెరుగు తీసుకుని బాగా గిలకొట్టాలి. దీంట్లో మిరియాల పొడి, జీలకర్ర పొడి, ఉప్పు వేసి కలపాలి. ఈ మిశ్రమంలో కీర ముక్కలు వేసి కలియబెట్టాలి. తర్వాత కొత్తిమీరతో అలంకరించుకుంటే సరిపోతుంది. అంతే రుచికరమైన కీరా రైతా సిద్ధం.
మామిడిపండుతో..
కావాల్సినవి.. మామిడిపండు ముక్కలు-కప్పు, పెరుగు-పెద్ద కప్పు, ఆవాలు, మెంతులు-అరచెంచా చొప్పున, కొత్తిమీర తరుగు-కొద్దిగా, ఉప్పు-తగినంత, చక్కెర-అరచెంచా, నెయ్యి-రెండు చెంచాలు, పండుమిర్చి-రెండు (నిలువుగా కోసినవి).
తయారీ: మామిడిపండును శుభ్రంగా కడిగి పొట్టుతీసి ముక్కలుగా కోసి పెట్టుకోవాలి. పొయ్యి మీద బాణలీ పెట్టి నెయ్యి వేసుకోవాలి. అది వేడయ్యాక ఆవాలు వేసి కాస్త చిటపటలాడాక మెంతులు, పండుమిర్చి ముక్కలు వేసి కలపాలి. ఇప్పుడు మరో గిన్నెలో పెరుగు, చక్కెర వేసి బాగా గిలకొట్టాలి. ఈ మిశ్రమంలో మామిడి ముక్కలు, ఉప్పు వేసి కలపాలి. పోపు వేసి మరోసారి కలియబెట్టాలి. చివరగా కొన్ని మామిడి ముక్కలు, కొత్తిమీర తరుగుతో గార్నిష్‌ చేసుకుంటే సరి.
బీట్రూట్తో..
కావాల్సినవి: బీట్‌రూట్‌ తురుము-అరకప్పు, పెరుగు-కప్పు, నీళ్లు-కొన్ని, ఉప్పు-తగినంత, తాలింపు కోసం... నూనె-చెంచా, ఆవాలు-పావు చెంచా, పచ్చిమిర్చి ముక్కలు-చెంచా, కరివేపాకు-కొద్దిగా.