వంటల్లో క్యారెట్ వాడటం.. అప్పుడప్పుడూ పచ్చిగా తినడం మాత్రమే కాదు.. రోజూ గ్లాసు రసం తాగితే ఆరోగ్యానికి ఎంతో మంచిది. అయితే జమైకన్ స్టైల్లో ఈ జ్యూస్ను తాగితే రెట్టింపు ప్రయోజనాలు కలుగుతాయి. రుచి, అందం, ఆరోగ్యం సమపాళ్లలో లభించే ఈ జ్యూస్ను.. ఒకసారి రుచి చూస్తే మళ్లీ మళ్లీ తాగాలనిపిస్తుంది.
కావాల్సిన పదార్థాలు:
క్యారెట్
జాజికాయ
కిస్మిస్
జీడిపప్పు
కండెన్స్డ్ పాలు
మాములు పాలు
చక్కెర
కారామిల్
తయారీ విధానం
ముందుగా క్యారెట్ పైన తొక్క తీసేసి తురుముకోవాలి. ఇందులో కొంచెం జాజికాయ వేసుకుంటే చాలా టేస్టీగా ఉంటుంది. మిక్సీ జార్లో వీటితో పాటు కొన్ని కిస్మిస్, జీడిపప్పు, కొంచెం కండెన్స్డ్ పాలు, మాములు పాలు వేసి జ్యూస్ చేసుకోవాలి. క్యారెట్ జ్యూస్ రెడీ అవుతుంది.
అయితే గెస్ట్లు వచ్చినప్పుడు కాస్త డిఫరెంట్గా ఇవ్వాలి అనుకుంటే ఇలా ట్రై చేయాలి..
వేడివేడి ప్యాన్లో చక్కెర వేసుకోవాలి. అది కరగగానే కారామిల్ రెడీ అవుతుంది. అందులో గుండ్రంగా కట్ చేసిన క్యారెట్ ముక్కలను ముంచి తీయాలి. ఆ తర్వాత ఈ ముక్కలకు బాగా షుగర్ పట్టించాలి.
ఇప్పుడొక గ్లాస్ తీసుకొని అందులో మనం తయారు చేసుకున్న జ్యూస్ను పోసుకోవాలి. వీడియోలో చూపించిన విధంగా చక్కెరతో నింపిన కారామిల్ను జ్యూస్గ్లాస్పై పెట్టి అతిథులకు ఇవ్వండి. ఇది ఎంతో రుచికరంగానూ ఉంటుంది, ఆరోగ్యానికి మేలు చేస్తుంది. దీనినే జమైకన్ స్ట్రైల్ క్యారెట్ జ్యూస్ అంటారు.
ఇదీ చూడండి: అరటికాయ పెరుగు కూర.. ట్రై చేయండిలా!
