Women's Day Special at Ramoji Film City: మహిళా మహోత్సవాలకు రామోజీ ఫిల్మ్సిటీ వేదిక కానుంది. మార్చి 1 నుంచి 31 వరకు మహిళల కోసం ప్రత్యేక కార్యక్రమాలు ఏర్పాటు చేశారు. మగువల ఆనందానికి ప్రాధాన్యమిచ్చేలా నెల రోజుల పాటు రామోజీ ఫిల్మ్సిటీ సందర్శనను, వినోదాలను ఆస్వాదించేందుకు అవకాశం కల్పిస్తున్నారు. మహిళల కోసం ప్రత్యేకంగా ఏర్పాటు చేస్తున్న ఈ కార్యక్రమంలో భాగంగా రామోజీ ఫిల్మ్సిటీలోని ఫౌంటెయిన్లు, స్టూడియోలు, బోన్సాయ్‌ గార్డెన్‌, పక్షుల, సీతాకోక చిలుకల పార్కులను చూపించనున్నారు.
మహిళా దినోత్సవం సందర్భంగా ప్రశాంతమైన వాతావరణంలో జాలీగా గడిపేలా ఈ టూర్ ఉండనుంది . రామోజీ అడ్వెంచర్‌ వేదిక సాహస్‌లో నిర్వహించే అడ్వెంచర్లతో థ్రిల్ అవ్వొచ్చు. అంతే కాకుండా ఆరోజున ప్రత్యేకంగా నిర్వహించే వివిధ పోటీల్లో పాల్గొని గిఫ్టులు కూడా గెలుచుకోవచ్చు. మహిళల నెలగా మార్చి నెలను ప్రకటిస్తూ ఈ నెలంతా జాలీగా గడిపేలా రామోజీ ఫిలిం సిటీ ప్లాన్ చేసింది.