ఆయుధాలతో సంచరిస్తున్న దొంగలు... భయంలో స్థానికులు

సంగారెడ్డి జిల్లా పటాన్​చెరు పట్టణంలో ఓ గుర్తుతెలియని వ్యక్తి ఆయుధాలతో తిరుగుతున్న ఘటన ఆలస్యంగా వెలుగులోకి వచ్చింది. 27న ఓ దొంగ ఆయుధాలతో సంచరిస్తున్న దృష్యాలు సీసీ కెమెరాల్లో నిక్షిప్తం కావటం స్థానికులను భయాందోలనకు గురిచేస్తున్నాయి.

సంగారెడ్డి జిల్లా పటాన్​చెరులో ఆయుధాలతో గుర్తుతెలియని దుండగులు సంచరించటం ఇప్పుడు కలకలం సృష్టిస్తోంది. ఈనెల 27న జేపీ కాలనీ నాలుగో నెంబర్ రహదారిలో సాయి కుమార్ అనే వ్యక్తి ఇంటి సమీపంలో ఓ దొంగ సంచరించాడు. వెంకటేశ్​ అనే వ్యక్తి ఇంటి తాళం పగులగొట్టాడు. ఆ దుండగుడు ఆయుధాలతో తిరుగుతున్న దృశ్యాలు సీసీ కెమెరాల్లో నమోదు కావడం వల్ల స్థానికులు భయాందోళన వ్యక్తం చేస్తున్నారు. గత కొన్ని రోజుల క్రితం వర్తక సంఘం కూడలిలోనూ ఆరుగురు దుండగులు ఆయుధాలతో తిరగడం కలకలం రేపుతోంది.

ఇదీ చూడండి :ఆర్థిక ఇబ్బందులు తాళలేక బిడ్డను అమ్ముకున్న తల్లి