ఆటోను ఢీ కొట్టిన ట్రాక్టర్​.. ఒకరు మృతి, 11 మందికి గాయాలు

మెదక్​ జిల్లా కౌడిపల్లి మండలంలో విషాదం చోటు చేసుకుంది. వ్యవసాయ పనులు ముగించుకొని ఆటోలో ఇంటికి తిరుగు ప్రయాణమైన కూలీలకు రోడ్డు ప్రమాదం రూపంలో మృత్యువు ఎదురయింది.

మెదక్ జిల్లా కౌడిపల్లి మండలం వెంకట్రావుపేట సమీపంలో రోడ్డు ప్రమాదం చోటు చేసుకుంది. ఈ ఘటనలో 11 మందికి గాయాలు కాగా ఒకరు మృతి చెందారు.

సలబత్ పూర్ గ్రామానికి చెందిన 12 మంది కూలీలు తునికి గ్రామంలో వ్యవసాయ పనులకు వెళ్లి ఆటోలో ఇంటికి తిరుగు ప్రయాణమయ్యారు. ప్రమాదవశాత్తు ఎదురుగా వస్తున్న ట్రాక్టర్ ఢీ కొట్టగా ఆటో పల్టీ కొట్టింది.

సమాచారం అందుకున్న పోలీసులు క్షతగాత్రులను నర్సాపూర్ ప్రభుత్వ ఆసుపత్రికి తరలించారు. కేసు నమోదు చేసుకొని దర్యాప్తు చేస్తున్నారు.

ఇదీ చదవండి:ఓడింది ట్రంప్​ మాత్రమే.. 'ట్రంపిజం' కాదు!