వలసలలో ట్రాక్టర్ బోల్తా.. పలువురికి గాయాలు

ట్రాక్టర్​ అదుపు తప్పి బోల్తా పడిన ఘటన భద్రాద్రి కొత్తగూడెం జిల్లా వలసలలో జరిగింది. ఈ ప్రమాదంలో పలువురికి గాయాలయ్యాయి. గాయపడిన వారిని వెంటనే ఆస్పత్రికి తరలించారు.

భద్రాద్రి కొత్తగూడెం జిల్లా ఆళ్లపల్లి మండలంలో వలసలలో ట్రాక్టర్ అదుపు తప్పి బోల్తా పడింది. ఈ ఘటనలో పలువురికి గాయాలయ్యాయి. తునికిబండల గ్రామానికి చెందిన శ్రీలేఖ, రమణ, స్వరూప, చంద్రకళ, అరుణ్ పొలం పనుల నిమిత్తం ట్రాక్టర్​లో బయల్దేరారు.

మార్గమధ్యంలో వీరు ప్రయాణిస్తున్న ట్రాక్టర్​ అదుపు తప్పి పల్టీ కొట్టింది. ఈ ప్రమాదంలో శ్రీలేఖ, రమణ, స్వరూపకు తీవ్ర గాయాలయ్యాయి. వారిని వెంటనే ఆస్పత్రికి తరలించారు. కేసు నమోదు చేసుకున్న పోలీసులు విచారణ జరుపుతున్నారు.

ఇవీ చూడండి: కంటోన్మెంట్​లోనూ ప్రభుత్వ పథకాల అమలు: తలసాని, మల్లారెడ్డి