నెల్లూరు జీజీహెచ్​లో కరోనా బాధితురాలు ఆత్మహత్య

ఏపీలోని నెల్లూరు జీజీహెచ్ కొవిడ్ ఆసుపత్రిలో విషాదకర ఘటన జరిగింది. కరోనా వ్యాధికి చికిత్స పొందుతున్న ఓ వృద్ధురాలు.. కట్టుకున్న చీరతోనే ఉరివేసుకొని ఆత్మహత్యకు పాల్పడింది.

ఆంధ్రప్రదేశ్​లోని నెల్లూరు జీజీహెచ్ కొవిడ్ ఆసుపత్రిలో కొవిడ్​ చికిత్స పొందుతున్న ఓ వృద్ధురాలు ఆసుపత్రిలోనే ఉరివేసుకొని ఆత్మహత్యకు పాల్పడింది. నగరంలో మూలపేట ప్రాంతానికి చెందిన కరోనా బాధితురాలు పరమేశ్వరమ్మ... తన చీరతో అగ్నిప్రమాదాన్ని నిరోధించే ఇనుప కమ్మీకి ఉరివేసుకుని బలవన్మరణానికి పాల్పడ్డారు. ప్రభుత్వ ఆసుపత్రిలోనే ఈ ఘటన జరగటం వల్ల చర్చానీయాంశమైంది.

వైరస్​ సోకినప్పటి నుంచి ఆగకుండా వాంతులు అవుతుండటం వల్ల మనస్తాపంతో ఆత్మహత్యకు పాల్పడి ఉంటుందని వైద్యులు తెలిపారు. ఘటనపై వేదాయపాళెం పోలీసులు కేసు నమోదు చేసుకొని దర్యాప్తు ప్రారంభించారు.

ఇదీ చదవండి:పనుల కనికట్టు..అవినీతి గుట్టురట్టు