ఆవుల అక్రమ రవాణాను అడ్డుకున్న గోరక్షక్​ దళ్​ సభ్యులు

హయత్​నగర్​ ఠాణా పరిధిలో అక్రమంగా గోవులను తరలిస్తున్న ఓ వాహనాన్ని తెలంగాణ గో రక్షక్ దళ్‌, యుగ తులసి ఫౌండేషన్ సభ్యులు అడ్డుకున్నారు. 13 ఆవులను స్వాధీనం చేసుకుని గోశాలకు తరలించారు.

రంగారెడ్డి జిల్లా హయత్‌నగర్ పోలీస్​స్టేషన్ పరిధిలో అక్రమంగా ఆవులను తరలిస్తున్న వాహనాన్ని తెలంగాణ గో రక్షక్​ దళ్, యుగ తులసి ఫౌండేషన్​ సభ్యులు అడ్డుకున్నారు. 13 గోవులను స్వాధీనం చేసుకున్నారు. అనంతరం వాటిని ఆలేటి గోశాలకు తరలించారు.

ఫౌండేషన్​ సభ్యుల సమాచారం మేరకు పోలీసులు ఘటనా స్థలికి చేరుకున్నారు. ఆవులను తరలిస్తున్న వాహనంతో పాటు డ్రైవర్​ను అదుపులోకి తీసుకున్నారు. గోవుల అక్రమ రవాణాకు పాల్పడే వారిపై కఠిన చర్యలు తీసుకుంటామని హెచ్చరించారు.