విద్యుదాఘాతంతో ఇల్లు దగ్ధం.. తప్పిన ప్రాణ నష్టం

ఎంతో కష్టపడి ఇష్టంగా కట్టుకున్న ఇల్లు.. విద్యుదాఘాతం వల్ల కాలిపోయింది. ఉన్న గూడు చెదిరిపోవడంతో ప్రభుత్వమే తమను ఆదుకోవాలంటూ బాధితులు వేడుకుంటున్నారు. ఈ ఘటన సూర్యాపేట జిల్లాలో చోటుచేసుకుంది.

సూర్యాపేట జిల్లా హుజూర్​నగర్ మండలం శ్రీనివాసపురంలో విషాదం చోటుచేసుకుంది. విద్యుదాఘాతం వల్ల గ్రామానికి చెందిన దైద ఉపేందర్​ అనే వ్యక్తి ఇల్లు కాలిపోయింది. గుర్తించిన స్థానికులు మంటలను అదుపు చేసే ప్రయత్నం చేసినా.. ఫలితం లేకుండా పోయింది. ఇల్లు పూర్తిగా దగ్ధమైంది.

ఘటనలో ఎలాంటి ప్రాణనష్టం జరగకపోవడం వల్ల అంతా ఊపిరి పీల్చుకున్నారు. నిరుపేద కుటుంబానికి చెందిన ఉపేందర్​.. ప్రభుత్వమే తమను ఆదుకోవాలంటూ వేడుకుంటున్నారు.