ఆగి ఉన్న లారీని ఢీకొన్న ఆర్టీసీ బస్సు.. ఐదుగురికి గాయాలు

ఆగి ఉన్న లారీని ఆర్టీసీ బస్సు ఢీకొట్టిన ఘటన జగిత్యాల జిల్లా ధర్మపురి మండలం నేరేళ్ల వద్ద చోటుచేసుకుంది. ఈ ప్రమాదంలో డ్రైవర్ క్యాబిన్​లో చిక్కుకోగా.. నలుగురు ప్రయాణికులకు స్వల్ప గాయాలయ్యాయి.

జగిత్యాల జిల్లా ధర్మపురి మండలం నేరేళ్ల వద్ద ఆగి ఉన్న లారీని ఆర్టీసీ బస్సు ఢీకొట్టింది. ఈ ఘటనలో డ్రైవర్ క్యాబిన్​లో చిక్కుకున్నాడు. బస్సులో ప్రయాణిస్తున్న నలుగురికి స్వల్ప గాయాలయ్యాయి.

మంచిర్యాల జిల్లాకు చెందిన లారీ.. కామారెడ్డి జిల్లా గాంధారి నుంచి మంచిర్యాల జిల్లా దేవాపూర్​కు ఎర్రమట్టిని తరలిస్తుండగా.. ఎయిర్ లాక్ అయింది. అందువల్ల నేరేళ్ల జాతీయ రహదారి వద్ద డ్రైవర్ లారీని నిలిపాడు. హైదరాబాద్ నుంచి ధర్మపురి వస్తున్న బస్సు... లారీని ఢీకొట్టింది. ఈ ఘటనలో క్యాబిన్​లో చిక్కుకున్న డ్రైవర్​కు స్వల్ప గాయాలైనట్లు ఆర్టీసీ అధికారులు తెలిపారు.

ఇదీ చూడండి :ఓఆర్​ఆర్​పై రోడ్డు ప్రమాదం.. ఆరుగురు దుర్మరణం