తాగొచ్చి వేధిస్తున్న కొడుకును హత్య చేసిన తండ్రి

తాగొచ్చి.. గొడవ చేస్తున్న కొడుకును తండ్రే హతమార్చిన ఘటన హైదరాబాద్​ చింతల్​ భగత్​సింగ్​ నగర్​లో చోటుచేసుకుంది. కేసు నమోదు చేసుకున్న పోలీసులు విచారణ చేపట్టారు.

హైదరాబాద్​లోని​ చింతల్ భగత్​ సింగ్​ నగర్​లో దారుణం జరిగింది. ఓ తండ్రి తాగొచ్చిన తనయున్ని హత్య చేశాడు. స్థానికంగా నివాసంముండే పుల్లయ్యకు ముగ్గురు కుమారులు ఉన్నారు. ​చిన్న కుమారుడు వెంకటేశ్వర్లు ఆటోడ్రైవర్​గా పనిచేస్తున్నాడు. గత కొద్ది రోజులుగా మద్యానికి బానిసైన ఇంట్లో వాళ్లను వేధిస్తుండేవాడు.

రోకలిబండతో

శనివారం రాత్రి తాగొచ్చిన వెంకటేశ్వర్లు ఇంటి తలుపు కొట్టాడు. తండ్రి తలుపు ఆలస్యంగా తీశాడని కోపంతో అతను తండ్రి పుల్లయ్యపై చేయి చేసుకున్నాడు. ఈ గొడవలో మరో కొడుకు శ్రీనివాస్ తమ్ముడిని కర్రతో కొట్టగా తండ్రి పుల్లయ్య రోకలిబండతో తలపై బాదాడు. తీవ్ర గాయాలైన వెంకటేశ్వర్లు అక్కడికక్కడే మృతి చెందాడు. కేసు నమోదు చేసుకున్న పోలీసులు నిందితులు పరారీలో ఉన్నారని తెలిపారు.

ఇవీ చూడండి:మోదీ కోసం రాజశ్యామల యాగం