బైక్​ ప్రయాణికులే లక్ష్యంగా దారి దోపిడి.. ముఠా అరెస్ట్​

రాత్రి వేళల్లో రహదారిపై ప్రయాణిస్తున్న వారిని లక్ష్యంగా చేసుకొని దొంగతనాలకు పాల్పడుతున్న ముఠాను పేట్​ బషీరాబాద్​ పోలీసులు అరెస్టు చేశారు. ఐదుగురిని అదుపులోకి తీసుకొని.. రెండు ద్విచక్ర వాహనాలను స్వాధీనం చేసుకున్నారు. మరో ఇద్దరు పరారీలో ఉన్నట్లు పోలీసులు తెలిపారు.

రాత్రిళ్లు ద్విచక్ర వాహనాలపై ప్రయాణించే వారిని బెదిరించి డబ్బులు, సెల్​ఫోన్​ దొంగతనాలకు పాల్పడుతున్న ముఠాను మేడ్చల్​ జిల్లా పేట్​ బషీరాబాద్​ పోలీసులు అరెస్టు చేశారు. ఐదుగురిని అదుపులోకి తీసుకున్న పోలీసులు.. మిగతా ఇద్దరు పరారీలో ఉన్నట్లు తెలిపారు. వారి నుంచి ఐదు ఫోన్లు, రెండు ద్విచక్ర వాహనాలను స్వాధీనం చేసుకున్నారు.

దేవరాయాంజల్​ నుంచి కొంపల్లి వైపు వెళ్లే రహదారిపై చీకటి పడితే ప్రయాణికుల సంఖ్య తక్కువగా ఉంటుంది. దీన్ని ఆసరాగా చేసుకున్న దొంగలు.. బైక్​పై వెళ్తున్న వారిని ఆపి బెదిరించి దొంగతనానికి పాల్పడేవారు.

ఇదీ చదవండి:సింగరేణి డంపర్​ ఢీకొని వ్యక్తి మృతి.. గ్రామస్థుల ఆందోళన