జోగులాంబ గద్వాల జిల్లా అలంపూర్ జోగులాంబ అమ్మవారిని భాజపా రాష్ట్ర అధ్యక్షుడు బండి సంజయ్ దర్శించుకున్నారు. ఆలయ అర్చకులు ఆయకు ఘన స్వాగతం పలికారు. అమ్మవారిని దర్శించుకుని పూజలు చేశారు. ఆలయ అధికారులు శేష వస్త్రంతో బండి సంజయ్ని సత్కరించి స్వామి, అమ్మవారి చిత్రపటాన్ని అందజేశారు.
తల్లిని దర్శించుకోవడం ఆనందంగా ఉందని బండి సంజయ్ అన్నారు. మహిమాన్వితమైన శక్తిపీఠం చాలా రోజుల నుంచి దర్శించుకోవాలని అనుకుంటున్నా ఇప్పుడు అమ్మవారి అనుగ్రహం కలిగిందని చెప్పారు. తెలంగాణ ప్రజలు ముఖ్యంగా కరీంనగర్, నిజామాబాద్, ఆదిలాబాద్, వరంగల్ ప్రజలు మన తెలంగాణలో ఏకైక శక్తి పీఠమైన జోగులాంబ తల్లిని దర్శించుకొని అమ్మవారి అనుగ్రహం పొందాలన్నారు.