ఆంధ్రప్రదేశ్లోని చిత్తూరు జిల్లా వెదురుకుప్పం మండలం పెరుమాళ్లపల్లె గ్రామానికి చెందిన నరసింహా రెడ్డి కుమారుడు సుమంత్... స్నేహితులతో కలిసి పుట్టినరోజు వేడుకలకు శనివారం స్థానికంగా ఉన్న వాగుకు వెళ్లాడు. ఎడతెరిపిలేకుండా కురుస్తున్న వర్షాలకు ఉద్ధృతంగా ప్రవహిస్తున్న వాగులో సుమంత్ ప్రమాదవశాత్తు జారిపడి గల్లంతయ్యాడు.
సమాచారం తెలుసుకున్న అధికారులు, గ్రామస్థులు అర్ధరాత్రి వరకు గాలింపు చర్యలు చేపట్టినప్పటికీ బాలుడి ఆచూకీ దొరకలేదు. ఇవాళ ఉదయం మళ్లీ గాలింపు చేపట్టి వాగు నుంచి బాలుడి మృతదేహాన్ని వెలికి తీశారు. విగతజీవిగా ఉన్న కుమారుడుని చూసిన ఆ తల్లిదండ్రులు గుండెలు అవిసేలా రోధించారు. పోలీసులు కేసు నమోదు చేశారు.