గాజా క్షిపణి దాడికి ఇజ్రాయెల్ ప్రతీకారం

గాజాపై ఇజ్రాయెల్ వైమానిక దాడి చేసింది. గాజాలోని హమాస్​ సంస్థ చేసిన రాకెట్​ దాడికి ప్రతీకారం తీర్చుకుంది ఇజ్రాయెల్​. హమాస్​ దాని అనుబంధ సంస్థల స్థావరాలే లక్ష్యంగా బాంబులతో విరుచుకుపడింది ఇజ్రాయెల్. ఈ ఘటనలో ఓ పౌరుడు ప్రాణాలు కోల్పోయాడు.

గాజాపై ఇజ్రాయెల్ ప్రతీకార దాడి చేసింది. గాజాలోని పలు ప్రాంతాలను లక్ష్యంగా చేసుకున్న ఇజ్రాయెల్... యుద్ధవిమానం పేల్చివేసింది. గాజా ప్రాంతంలోని హమాస్, దాని అనుబంధ సంస్థల స్థావరాలపై పదుల సంఖ్యలో బాంబులను విడిచింది ఇజ్రాయెల్ యుద్ధవిమానం.ఈ దాడుల్లో ఓ పౌరుడు ప్రాణాలు కోల్పోగా... పలువురికి గాయాలయ్యాయని గాజా ఆరోగ్య శాఖ ప్రకటించింది.

ఉగ్రవాద స్థావరాలే లక్ష్యంగా దాడులు చేశామని ఇజ్రాయెల్ చెబుతోంది.

అంతకుముందు దక్షిణ ఇజ్రాయెల్​పై 10కిపైగా రాకెట్లు ప్రయోగించింది గాజా. వీటిలో 8 రాకెట్లను ఇజ్రాయెల్ రక్షణ వ్యవస్థ ధ్వంసం చేసిందని ఆ దేశ సైన్యం తెలిపింది. ఈ దాడిలో ఒక ఇల్లు ధ్వంసమయింది. వరుసగా రెండురోజుల్లో తమపై హమాస్ రెండోసారి దాడి చేసిందని ఇజ్రాయెల్ వెల్లడించింది.

ఇదీ చూడండి : చైనావ్యాప్తంగా 5జీ సేవలు షురూ- భారత్​లో ఎప్పుడో?