సిరియాలో కారు బాంబు పేలుడు.. 17 మంది మృతి

సిరియాలో ఉగ్రవాదులు దుశ్చర్యకు పాల్పడ్డారు. వాయవ్య ప్రాంతంలోని అజాజ్​ పట్టణంలో జరిగిన కారు బాంబు పేలుడులో 17 మంది మరణించారు. మరో 20 మందికి పైగా గాయాలయ్యాయి.

రంజాన్​ పండగ వేళ.. సిరియాలో ఉగ్రవాదులు రెచ్చిపోయారు. అజాజ్​ పట్టణంలోని మసీదు వద్ద కారు బాంబు పేలుడు జరిపి ఘాతుకానికి ఒడిగట్టారు టర్కీ అనుకూల ఉగ్రవాదులు. ఈ ఘటనలో 17 మంది మరణించారు. మరో 20 మందికి పైగా గాయాలయ్యాయి. మృతుల్లో నలుగురు చిన్నారులున్నారు.

పట్టణ ప్రధాన కేంద్రంలోని మసీదులో ఇఫ్తార్​ విందు ముగించుకొని బయటికొస్తున్న ప్రజలే లక్ష్యంగా దాడికి యత్నించారు ముష్కరులు. మృతుల సంఖ్య మరింత పెరిగే అవకాశముంది.

అల్​ రక్కా ప్రాంతంలో 10 మందిని బలిగొన్న కారు బాంబు పేలుడు జరిగిన మరుసటి రోజే ఈ ఘటన జరగడం గమనార్హం. టర్కీ వ్యతిరేక... కుర్దిష్​ల నియంత్రణలో ఉంటుందీ అజాజ్​ పట్టణం.

ఇదీ చూడండి:

'గన్​ లైసెన్స్ కావాలంటే మొక్కలు నాటాల్సిందే'