ఫ్యాషన్కు చిరునామా బ్రిటన్ ప్రధాని థెరెసా మే ఐరోపా సమాఖ్య నుంచి బయటపడేందుకు బ్రిటన్ ప్రధాని థెరెసా మే పెద్ద పోరాటమే చేస్తున్నారు. నిత్యం వార్తల్లో నిలిచే థెరెసాకు ఫ్యాషన్ పైనా ఆసక్తి ఎక్కువే. అందుకే రాజకీయాల్లో ఉన్నా అమెరికన్ ప్రఖ్యాత మ్యాగజైన్ 'వోగ్' ముఖచిత్రంపై తళుక్కుమన్నారు. దుస్తుల ఎంపిక, అలంకరణ, మాట్లాడే తీరు థెరెసాను ప్రత్యేకంగా నిలబెట్టాయి. అలా కొన్ని పరిశీలిస్తే... లండన్లోని మేడమ్ టుస్సాడ్స్లో థెరెసా మైనపు విగ్రహాన్ని 2017లో ఆవిష్కరించారు. థెరెసా శైలిని విగ్రహంలో స్పష్టంగా ప్రతిబింబిస్తుంది. భిన్న రకాల అలంకరణల్లో ఆమె ధరించే నెక్లెస్లదే ప్రధాన పాత్ర. ఇటాలియన్ ఆభరణాల సంస్థ 'మిర్టా' తయారు చేసే ముత్యాలు, మణులు, గొలుసులను ఆమె ఎంతగానో ఇష్టపడతారు.
ఇంగ్లండ్, ఐరోపా తరహా వాతావరణానికి వెచ్చని దుస్తులకు ప్రాధాన్యం ఇస్తారు. పెద్ద కాలర్ ఉండే సూట్ను ఎక్కువగా ధరిస్తారు థెరెసా.
ఒకసారి వేసుకున్న దుస్తులను మరోసారి వేసుకునేందుకు థెరెసాకు మొహమాటం ఉండదు. బ్రస్సెల్స్ సమావేశంలో ఆమె వేసుకున్న నీలిరంగు సూటును ఇది వరకూ ఎన్నో సార్లు ధరించారు.
ఎవరైన ముఖ్యమైన వ్యక్తులు వస్తే వినూత్నంగా స్వాగతం పలుకుతారు థెరెసా. కార్యాలయం బయట రహదారి పైకి వచ్చి మరీ అతిథులను రాయల్గా ఆహ్వానిస్తారు. విధుల్లో భాగంగా సందర్భాన్ని బట్టి ప్రత్యేక దుస్తులు ధరిస్తారు. ఎంతగా ఫ్యాషన్ను అనుసరించినా థెరెసా అలంకరణ ఎప్పుడూ వివాదాస్పదం కాకపోవటం కొసమెరుపు.
ఇదీ చూడండి:లివైజ్ జీన్స్తో పాటు షేర్లకూ డిమాండ్ ఎక్కువే..!
