గుర్తుతెలియని సాయుధుడు కదులుతున్న బస్సుపై జరిపిన కాల్పుల్లో ముగ్గురు వ్యక్తులు ప్రాణాలు కోల్పోయారు. మరొకరు గాయపడ్డారు. ఐరోపా దేశమైన కొసోవోలో(kosovo country news) ఈ దారుణం వెలుగుచూసింది. రాజధాని ప్రిస్టినాకు(kosovo capital pristina) 90 కిమీ దూరంలో ఉన్న గ్లోగ్జాన్‌లో జరిగిన ఈ ఘటనలో డ్రైవర్ అక్కడిక్కడే మరణించగా.. గాయపడిన ముగ్గురిని ఆసుపత్రికి తరలించారు. వీరిలో ఇద్దరు చికిత్స పొందుతూ ప్రాణాలు విడిచారు.
ఎనిమిది మందితో వెళ్తున్నఈ బస్సుపై ముసుగు ధరించిన ఓ వ్యక్తి ఆటోమేటిక్ రైఫిల్‌తో కాల్పులు జరిపాడని ప్రత్యక్ష సాక్షులు తెలిపారు. అయితే దాడికి గల కారణాలు తెలియదని పోలీసులు వివరించారు. "ఇది తీవ్రవాద చర్య అని నమ్మేందుకు ఆధారాలు లేవని" అని ఎల్షానీ అనే పోలీసు అధికారి చెప్పారు.