బ్రిటన్ యువరాజు హ్యారీ- మేగన్ దంపతులకు మగ శిశువు జన్మించాడు. సోమవారం ఉదయం 37 ఏళ్ల మేగన్ పండంటి మగబిడ్డకు జన్మనిచ్చారు. ఈ శుభవార్తను 34 ఏళ్ల హ్యారీ తన ఇన్స్టాగ్రామ్ ద్వారా పంచుకున్నారు.
తల్లి- బిడ్డ ఇద్దరు క్షేమంగా ఉన్నారని హ్యారీ తెలిపారు.
"ఈరోజు ఉదయం మాకు మగబిడ్డ జన్మించాడని చెప్పడానికి ఎంతో ఆనందంగా ఉంది. తల్లి, బిడ్డ క్షేమంగా ఉన్నారు. నా జీవితంలో ఇదొక గొప్ప అనుభూతి. మాపై ప్రేమ చూపించిన వారందరికి ధన్యవాదాలు."
-- హ్యారీ, యువరాజు.
ఇది హ్యారీ- మేగన్ దంపతులకు తొలి సంతానం. ఈ వార్త విన్న బ్రిటన్వాసులు సంబరాలు జరుపుకున్నారు. 2018 మేలో హ్యారీ- మేగన్ వివాహం జరిగింది.
ఇదీ చూడండి: ధోని కుమార్తె ఓటు పాఠాలు... నెటిజన్లు ఫిదా!