అమెరికాకు పాకిన కరోనా వైరస్​.. తొలి కేసు నమోదు

చైనాను వణికిస్తోన్న కరోనా వైరస్​ ప్రస్తుతం అమెరికాలో అడుగు మోపింది. తాజాగా వైరస్ లక్షణాలున్న తొలి కేసు నమోదైనట్లు అధికారులు తెలిపారు.

చైనాలో మొదలైన కరోనా వైరస్ ఇప్పుడు అమెరికాకు పాకింది. వైరస్​ లక్షణాలున్న తొలి కేసు మంగళవారం నమోదైనట్లు అధికారులు తెలిపారు.
37 ఏళ్ల ఈ వ్యక్తి అమెరికా నుంచి వుహాన్​ను సందర్శించేందుకు వెళ్లారని, అయితే వైరస్​కు​ కేంద్రంగా భావిస్తోన్న సీఫుడ్​ మార్కెట్​ను ఇతను సందర్శించలేదని అధికారులు వెల్లడించారు. ప్రస్తుతం బాధితునికి ఆసుపత్రిలో చికిత్స అందిస్తున్నారు.

అవే లక్షణాలు...

కరోనా వైరస్​గా పిలిచే ఈ అంటువ్యాధిని మొదటిసారి చైనా, హాంకాంగ్​ భూభాగాల్లో గుర్తించారు. ఇది 'సివియర్​ అక్యూట్​ రెస్పిరేటరీ సిండ్రోమ్​' (సార్స్) వైరస్​ లక్షణాలు కలిగి ఉన్నట్లు నిపుణులు తెలిపారు. 2003లో ఈ వైరస్​ కారణంగా సుమారు 650 మంది మరణించారు. ప్రస్తుతం సుమారు 291 మంది ఈ కొత్త వైరస్​తో బాధపడుతున్నారు.

దేశాంతరాలకు వైరస్ విస్తరణ

బీజింగ్​లో ఇప్పటివరకు ఐదు కేసులు నమోదయ్యాయి. దక్షిణ కొరియాలో మొదటి కేసు బయటపడింది. థాయ్​లాండ్​, జపాన్​ దేశాల్లోనూ మూడు కేసులు నమోదు కాగా.. వారంతా చైనాలోని వుహన్​ ప్రాంతాన్ని సందర్శించన వారే కావడం గమనార్హం. వూహాన్​లో 170 మంది ఆసుపత్రుల్లో చికిత్స పొందుతున్నారు. మరో 9మంది పరిస్థితి విషమంగా ఉంది.

ఇదీ చూడండి: చిల్​ గ్రెటా, చిల్​..! సినిమా చూసి ఎంజాయ్​ చెయ్​: ట్రంప్​