నేపాల్లో ఘనంగా జీవన దేవత ఆశీర్వాద ఉత్సవాలు నేపాల్లో ప్రతి ఏటా నిర్వహించే ఇంద్ర జాత్రా ఉత్సవాలు అంగరంగ వైభవంగా జరిగాయి. దేశ రాజధాని కాఠ్మాండులో నిర్వహించే ఉత్సవాలకు వేలాది మంది హాజరయ్యారు. స్థానికంగా 'కుమారి'గా పిలుచుకునే జీవన దేవత (లివింగ్ గాడెస్) ఆశీర్వాదం తీసుకున్నారు. వివిధ వేషధారణలు చూపరులను ఆకట్టుకున్నాయి. డోలు వాద్యాల మధ్య నృత్యాలు చేస్తూ ఆనందంగా గడిపారు ప్రజలు. ఇంద్ర జాత్రా ఉత్సవాలను నేపాల్లోని హిందువులు, బౌద్ధులు కలిసి నిర్వహిస్తారు. పురాతన కాలం నుంచి నెవార్ జాతికి చెందిన ఓ యువతిని కుమారి (దేవత)గా కొలుస్తారు. ఆమెను రథంలో కూర్చోబెట్టి కాఠ్మాండు వీధుల్లో ఊరేగిస్తారు.
వర్షాకాలం ముగిసే సమయంలో ప్రతి ఏటా ఈ ఇంద్ర జాత్రా ఉత్సవాన్ని నిర్వహిస్తారు. ఈ వేడుకతో అక్కడ పండుగలు మొదలవుతాయి.
ఇదీ చూడండి:చైనా: 'మిడ్ ఆటమ్' వేడుక.. సంప్రదాయాల కలయిక
